قناة السويس الجديده

من ويكيبيديا، الموسوعه الحره
اذهب إلى التنقل اذهب إلى البحث
صوره بالساتالايت لقناة السويس

قناة السويس الجديده هى مشروع لقناه جديده عمله الرئيس عبد الفتاح السيسى، بطول 72 كم موازيه لقناة السويس فى مصر، والمشروع كمان بيخطط لحفر 6 انفاق جديده تحت القناه وتحويل 76،000 كيلو متر مربع على ضفتين القناه لمنطقة خدمات لوجستيه دوليه ومركز تجارى وصناعى هدفه يخلق مليون فرصة عمل.

فكرة المشروع[تعديل]

الرئيس السيسي صاحب فكرة حفر القناه الجديده

قناة السويس بتعتبر اقصر طريق شحن بين اوروبا واسيا، ده غير انها تعتبر بديل كويس لطريق راس الرجاء الصالح. ومشروع قناة السويس الجديده هتزود التجارة فى القنال،[1] لان توسيعها هيسمح للسفن انها تمر فى الاتجاهين فى نفس الوقت، وكمان هيخفض ساعات الانتظار لمعظم السفن من 11 ساعه ل 3 ساعات بس،[2] وكمان هيضاعف قدرة قناة السويس 49 سفينه فى اليوم الواحد ل 97 سفينه.

قناة السويس الجديده طولها 72 كم (45 ميل)، واتعملت ب 35 كم (22 ميل) من الحفر الناشف و37 كم (23 ميل) من التوسع والحفر الغويط.[1][3] ودلوقتى بتتعمل ست انفاق جديدة للعربيات والقطورات عشان يتقضى على عزلة شبه جزيرة سينا وتتربط للدوله المصريه بصوره احسن، بعد ما مكنش فيه غير نفق الشهيد احمد حمدى بس تحت القنال.

كان المفروض تتعمل القناه الجديده خلال 5 سنين وبعديها خلوها 3 سنين، بس الرئيس عبد الفتاح السيسى امر ان المشروع يتعمل خلال سنه واحده بس وبالفعل اتنفذ واتفتحت القناه الجديده فى حفله عالميه فى 6 اغسطس 2015.

المصادر[تعديل]

  1. ^ أ ب "New Suez Canal project proposed by Egypt to boost trade". Cairo News.Net. 5 August 2014. Retrieved 2014-08-07. 
  2. Samuel Oakford (8 October 2014). "Egypt's Expansion of the Suez Canal Could Ruin the Mediterranean Sea". Vice News. Retrieved 11 December 2014. 
  3. "Egypt Plans To Dig New Suez Canal In Effort To Boost Trade". Huffington Post. 5 August 2014. Retrieved 2014-08-13.